Shillong: Ka Nangkiew Irat ka la pynliem ia ka Malki da 3-2 ha ka jingiakhun jong ka Shillong Premier League kaba long myn hynnin ka sngi ha madan ka SSA ha Polo.
U Lakhon Surong ka Malki u la thep ha ka 28 minit, ha ka 76 minit ka la ioh penalty da u Elhdji O Kamara hynrei ka la kum thep bakla sha lade ha ka 79 minit.
Na ka liang ka Nangkiew Irat la thep da u Dame Syih ha ka 65 minit bad u William Pouliankhum ha ka 66 minit.
Ha kawei ka jingialehkai ka 2nd Division, ka Sohiong ka la liem ha ka Laitlyngkot da 1-2 kol. Ia ka Sohiong la thep da u L Nongrang ha ka 54 minit katba ia ka Laitlyngkot la thep da u S Majaw ha ka 77 minit bad u R Nongrum ha ka 83 minit.
Ha ka jingiakhun ka 3rd Division, ka Mawtawar ka la pylliem ia ka Mawpat da 3-1. Ia ki kol ka Mawtawar la thep da u George Dkhar (3), B Kurbah (34) bad u Fairly L Nongbri (67) katba ia ka Mawpat la thep da u Pynnehbok Pyngrope (70+1).