Shillong: Ka Shillong Lajong FC, ka la shah rem mynta ka nohsngi, ha ka jingialehkai jongka pyrshah ia ka Minerva Punjab FC, da 1-0 kol, ha ka jingialehkai kaba khyndai jongki ha ka I League, kaba long mynta ha Madan Polo.
La ioh thep ia ka kol, ha ka minit kaba 58, da U William Opoku. Ka jingialehkai ka long kaba itynnad, ha kaba ka Lajong, ka la jan ioh lad ban thep ia ka kol, ba nyngkong jongka, ha ka minit kaba sdang jong ka jingialehkai, tangba u nongialehkai jong ka Lajong, um shym la lah satia ban pynrung jar bad ka la poi pynban da kaba suk, sha u nongap kol jong ka Punjab.