Shillong: Ka Shillong Lajong ka la iakynduh mawsiang biang mynta hadien ba kala shah pynliem biang sa ha ka Gokulam Kerela ha ka jingiakhun mynta ka sngi hadien ba ka la rem ha ka Indian Arrows, ha ka East Bengal ha ki jingialehkai ba kham mynshwa.
Ha ka jingiakhun mynta ka sngi, ka Shillong Lajong ka la shah pynbam 1-3 kol ha ka Gokulam.
Ia ka Gokulam la thep da u G Nigam ha ka 43 minit shwa ban wai ka jingialehkai ka kyllastep bad sa ha ka kyllamiet la thep sa da A German ha ka 56 bad kaba lai lah thep da u S Rajesh ha ka 66 minit.
Kawei ka kol ia ka Lajong la thep da u Lajong da u P Buam ha ka 78 minit.
U nongialehkai ka Lajong u N Gurung u la shah beh na madan ialehkai da kaba ioh red card ha ka 93+3 minit shwa ban wai syndon ka jingialehkai.
Lah ban kdew ba ka Lajong, ka la jop tang shisien ha ka jingialehkai pyrshah ia ka Aizawl ha kane ka nongbah Shillong.
Haduh mynta ka kamai tang 3 point na ki saw sien tylli ki jingialehkai ha kane ka lumpung bad lada kam lah ban lehkai bha ha ki jingialehkai ba shakhmat, ka lah ban don ha ka jingma ban hiar na kane ka lumpung.