Shillong: Ka Shillong Lajong ka la shah pynliem biang ha ka Indian Arrows ha ka jingiakhun ka lumpung I-league kaba long mynta ka sngi ha nongbah Cuttack, Odisha.
Ha kane ka jingialehkai, ka Indian Arrows ka la pynliem ia ka Shillong Lajong da 1-0 bad ia kane ka kol, la thep da u Ashish Rai ha ka 11 minit bad kane ka kol ka la neh haduh ban wai syndon ka jingialehkai, kaba la pynlong ia ka Lajong ban phet thylli.
Shwa ia kane, ka Lajong ka la shah ruh ha ka East Bengal da 3-1 kol ha ka jingiakhun ha kane ka nongbah bad ka la jop tang ia ka Aizawl ha ka jingiakhun ha la iing jongk.
Ha ka jingialehkai mynta ka sngi, ka Lajong kala ioh bun ki lad hynrei ka la pynlehnoh ei khlem lah ban thaw pyrthei eiei ha kiba bun ki khep.
Mynta ka Lajong kan hap ban leit sha Kerala ban iakhun sa ia ka Gokulam Kerala ha ka 11 tarik Naiwieng 2018.