Shillong: La ioh khubor mynta ka sngi, ba ka Central Bureau of Investigation (CBI), Shillong ka la pynlong ia ka jingleit khynra jongka, ha kiba bun ki jaka ha Shillong bad shabar ruh, halor ka jingdon ka kam bamsap kaba T. 14.34 klur ha ka Meghalaya Rural Bank.
Ka khubor ba la pynmih da ka news portal jong ka North East Today, ka iathuh ba la lap ia katei ka bamsap, ha ka jingtohkit ba la pynlong da ki nongtrei hi jong katei ka tnat.
La iathuh ba ka CBI, ka la ioh ia katei ka jingtip na U General Manager, ka Meghalaya Rural Bank (MRB), Shillong ha ka 27tarik Lber 2019 bad la iathuh ba katei ka bamsap, ka dei ha ki snem 2017-2017.
Mynta ka sngi, la pynlong ia ka jingleit talasi jong ka CBI, ha kiba bun ki jaka kum ha Mawlai, Mairang, Upper Shillong, Pynursula, Raid Laban, Lumparing bad Jaiaw Laitdom bad ha kiwei de ki bynta jong ka nongbah Shillong.
Kan bha lada u Rupang un pynmih iaki kyrteng kita ki Nongtrei MRB ba bam sap ban iatip ban kiar ia treikam etc