Leit sngewlem ka KSU, ia ki longïing ba shah siat ha Mukroh

Shillong:Ka Khasi Student’s Union, ha ka jing iadon lang U President ba rang bahduh ka Seng, u samla Lambokstar Marngar bad U General Secre tary Samla Donald V Thabah lem bad ki nongialam ka KSU West Jaintia Hills, ki la leit hiar sha Mukroh ha ka ban leit jngoh bad ai mynsiem ia ki long ïing jong kito ki lanot kiba shah siat iap ha u kuli jong ki Pulit Assam.

Ha katei ka sngi, ka seng ka lah ia kynduh ruh ia ki Pulit nong ap pahara ha katei ka jaka kiba la iathuh ia ka jingduna ki pulit bad ruh ki tiar jing iada.
Ka Seng ka la lap ba haduh mynta ym pat don ki dak ki shin ban buh ia ka BOP ha katei ka jaka kaba long ka jing eh bad ka jing bym shngain ia ki nongshong shnong.

Ha ka jing ia kynduh bad ki nongialam shnong, kiba la pynsngew ba ki dang don ha ka jingeh bad bym sngew shngain ba lada ka Sorkar kam lah ban buh ia ka BOP haduh ba kut u pud jong ka shnong kam don jingmut.