Shillong: Ka KSU East Jaintia Hills District Unit ha ka 10tarik u Jylliew 2022 ka leit ban sngewlem ia kawei ka longiing kaba don ha ka shnong Jalyiah, kaba don hapdeng ka jingduk jingkyrduh haba kaba ia kine ki heprit ki lah shem jynjar naduh ba ym don shuh ka kmie bad la peit iaki pat da kiba haiing.
Ha kane ka sngi la ialam iaka kynhun da u Samla Rangbah Satly Ryngkhlem Vice President ha ka jindon ryngkat u Assistant General Secretary Samla Pynshai Kupar Dkhar,Samla Shaniahskhem Dkhar uba long u Finance secretary jong ka KSU EJHDU ha ka jingdon ryngkat Ma Cherity Suja Asst Finance KSU EJHDU bad Samla Hamewanpynhun Ryngkhlem Publicity Secretary ka KSU East Jaintia Hills District Unit.
Na ka liang ka seng ka bym juh ieh thylli ia ki briew kiba don ha ki jingeh jing shitom ka la iarap ha la ibor barit kum ka dak ka jingsngewlem ia ka kane ka longiing ha ka ba ka kmie ka la khlad noh bad ieh noh ia saw ngut ki khun ha kaba u kpa u bym da don ka kamai ka kajih ba biang ban ri ban sumar bad ban bsa ban btiah ia baroh saw ngut ki khun.
Na ka liang U Rangbah Shnong jong ka shnong Jalyiah ula phah ka khubor sngewnguh bad ai khublei sha ka seng wat lada um shym la don ryngkat lang ha katei ka sngi bad u lah sngewnguh shi katdei eh ia ka seng bad ula kitbok kit rwiang ia ki nongialam ka seng kiba don ka jingkit khlieh ia ka khia ka shon ki paradoh parasnam ba kin nanglah ban shakri ia ka ri bad ia u paid ka bri u hynniew trep hynniew skum.
Phi don ban ong eiei?