Leit sieh kyrteng hi ka KSU sha Darrang Shnongpdeng, bym suidniew ka tnat PWD

Shillong: Ka Khasi Students’ Union Shnongpdeng Unit myn shi sngi, ka la leit buh ia ka jingthoh kyrteng ha lad Darrang – Shnongpdeng namar ka jingbym suidniew ka Sorkar lyngba ka tnat PWD ban buh kyrteng. Hadien ba ka seng ka la ioh ka jingujor na kiba bun ki briew kiba shem jingeh ban wan sha kine ki shnong, khamtam kiba wankai sawari namar ka bym biang ki jingthoh, ban kdew lynti ia ki ba kin poi shapoh Shnongpdeng bad Darrang kiba long kiwei na ki jaka ba khring bad itynnad hapoh Ri Khasi. Ka jingthoh kaba don ha katei ka lad ka dei ka bym shai shuh bad kaba la shu ieh kumto khlem buh da kaba thymmai la bun bun snem mynta. Ka KSU Shnongpdeng Unit ka kyrpad jur ruh ia ka Sorkar ba kan pynkloi ban siang rong noh ia ka surok Shnongpdeng – Darrang khnang kan suk ka leit ka wan ki nongwankai sawari (tourist) sha kine ki jaka, ong ka kyrwoh da u Samla Shiningstar Kongwang Pulicity Secretary ka KSU Shnongpdeng Unit.