Shillong: Ka kynhun ki nongsiat khnam ka jylla hapoh ka lama jong ka Archery Association of Meghalaya (AAM) kin leit ia shim bynta ha ka 11th Cheruki Lenin, Volga Memorial 14- snem bad ha ka Under National (Indian Round, Recurve & Compound) Archery Championships 2018 Vijayawada, Andhra Pradesh ka ban long naduh 23 haduh ka 28 tarik mynta u bnai.
Kane ka kynhun kan leit shim bynta ha ka jingiakob ki khynnah ba hapoh 14 snem bad hapoh 9 snem shynrang bad kynthei.
Ki khynnah ban leit ia shim bynta ha ka U-14 Indian Round na ki shynrang ki long: Devraj Mohapatra, R. Bipin, Abhijan. S. Gogoi bad na ki kynthei ka Daphishisha Jamu, Iakyntiewlang Pathaw, Jessica Kurbah, Ibanisha Ryntathiang. Katba ha ka Recurve Division U-14 ki kynthei ka Afficahe Garcia Susngi, Phibanpdianghun Pathaw bad U-9 u Albert Rangslang.
Ia kane ka kynhun yn ialam da ka Madhusmita kum ka Manager bad u Vikash Kumar kum u Coach.
Na ka liang ki dkhot jong ka AAM kiba la ai khublei kitbok kit rwiang ia ki khynnah baroh ba kin lah ban ialehkai bha poi sha ka thong jingjop.