Leit shah hajir, ki nongialam sengbhalang ha ki pulit Lumdiengjri

Shillong, 15 Naitung:
Mynta ka sngi ki nongialam Sengbhlang, ba kynthup ia U bah Joe Mar wein, President FKJGP, Bah Auguster Jyrwa General KSU, ki la leit mih sha Lumdiengjri Police Station hadien ba ki pulit ka Lumdiengjri ki la khot ia ki ban wan mih sha thanad.
Haba ia kren bad u Rupang u General Secretary ka KSU u bah Auguster Jyrwa u la ong ba mynhynnin ka sngi ki pulit ka Lumdiengjri ki la phone sha ki nongialam Sengbhalang ban ia thuh ba ki don ki kot ki sla ba la hukum bad ai bor ia ki pulit ban kem ia ki, namarba ki khlem leit hajir sha ka ing bishar ba kyrpang namar ka case kaba la don lypa naduh ka por ba ka dang jur ka jingiakhih ILP.
U bah Auguster Jyrwa u la ong ba mynta ka sngi na ka liang ki nongialam sengbhalang ki la leit mih sha Lumdiengjri PS bad haba la poi ha katei ka thanad ki la shem ba kila don shisha ki kot ki sla kiba ia dei bad ki case kiba naduh ka por ba lak jingiakhih ILp ka dang jur bha, ha katei ka jingiakynduh bad ki pulit, u bah Auguster u la ong ba ki la bthah ia ki nongialam sengbhalang ban leit mih sha Court.
Utei u nongialam ka KSU u la iathuh ruh ba na ka liang ki nongialam Sengbhalang kin shong pyrkhat halor katei ka kam kaba la hukum ia ki ba ki dei ban leit hajir. Haba la kylli na u bah Auguster Jyrwa haduh katno tylli ki shithi ki nongialam sengbhalang ki la ioh na ka bynta ban leit hajir, u bah Auguster u la ong ba kim shym ioh shithi hynrei ki la shu iohi lyngba ki kot khubor.
Haba la kylli pat na kaei ka daw ba ki nongialam sengbhalang kim shym la leit hajir sha Court, utei u nongialam ka KSU u la ong ba ka daw ka dei namarba ki nongialam ki khein sting namarba ka dei ka kam kaba la dep ban ia kren sngewthuh jingmut bad ka sorkar bad ka dei ruh ka kam kaba la dep ia kren pynbeit, khamtam lei lei haba ka sorkar ka la dep ban thaw ia kita ki komiti pyrkhing mynder jong ka “Ngi nang khmih lynti ba ka sorkar kan pyrkhat da kumwei pat ha kaba ia dei bad ka Special Court, hynrei ka iaid beit shakhmat, ngin sa ia shong pyrkhat para nongialam” kren diaw utei u samla ha ka jingiakren bad u Rupang.
Lah ban kdew ba ka case kaba dang sahteng ia ki nongialam sengbhalang kaba ka Court ka la khot hajir ka dei halor ki jinglut jingsep bad ka jingshah pynjot ki mar sorkar kaba, da ki klur tyngka ha ka por ba ka jingiakhih ILP ka dang thnem bha.