Shillong:Ki Pulit jong ka Tnad Crime Branch, hadien ba ki la kem noh ia ki 11 ngut ki nongialam ba hakhmat bad ki dkhot jong ka kynhun seng kiengatiar ba thymmai ha rilum Khasi Jaintia ba la tip kum ka National Liberation Council of Nongkyndong (NLCN) ha ka 17 tarik Nailar 2023, na kiba bun ki jaka ha rilum Khasi Jaintia kynthup ruh ia uwei na Iewduh.
Hadien ba ki pulit ki la kem ia kine ki 11 ngut, ki la rah ban leh ia ka medical checkup ban peit bniah ia ka jingkoit jingkhiah jong ki saw ngut ki dkhot kane kane ka seng ba thymmai.
Na ka liang ki pulit ki dang pynlong ia ka jing tohkit ba bniah ban lap dien la kine ki 11 ngut kiba la shah kem ki dei shisha ne em ki dkhot kiba don bynta ban thaw ia kane ka kynhun seng kaikhlaw ba dang thymmai.
La iathuh, ba hadien ka jing kem noh ia ki saw ngut ki dkhot jong ka kynhun kieng atiar ba thymmai ba la tip kum ka NLCN bad mynta la leit rah sha ka jaka ai jingsumar ban peit bniah ia ka koit ka khiah jong ki saw ngut ki dkhot ba la shah kem noh.
Hynrei katkum ka jingïathuh ki pulit, uwei na ki dkhot jong kane ka seng u la ud pang ba u la shitom.
Phi don ban ong eiei?