Leit pynkhuid ki 16 ngut ia ka krem Pubon ha Mawmluh

Shillong,15 Lber:
16 ngut ki nong rung krem Pubon kynthup 4 ngut ki kynthei ki la leit rung ha ka krem Pubon kaba don ha Mawmluh ban leit pynkhuid ia ki jaboh jabaiñ kiba don ha katei ka krem.
Kitei 16 ngut ki la leit rung sha katei ka krem ha ka 13 tarik mynta u bnai. Ka jingjrong katei ka krem ka long haduh 7 kilomitar,ki la sdang ban rung na ka lynti kaba don hajan ka MCCL bad katkum ka jinglap jong ki ki la ong ba ka dei ka krem kaba wan ba saw ha India. Ha katei ka jingleit rung ki la iathuh ba ki la rung ia ki khohruh khoh ram kiba jngai kumba 2.5km bad kila wan phai biang sha ka lynti kaba kylluid kaba kila iaid na shakhmat. Ki la rung hapoh katei ka krem ha ka por 11:40 baje mynstep bad ki la mih ha ka por 2:50 baje janmiet.
La ialam ia katei ka kynhun rung krem da u Man bad u Prof.Devesh Walia ha ryngkat ka jingtreilang bad u Kailash Varma. Ka kong Ooma Tariang bad ka kynhun jong ki kim shym la lah ban pynkhuid lut ia ki jaboh kiba don ha katei ka krem hynrei ki la lah tang katto katne bynta hynrei ki la buh por ba kin leit rung biang sa shisien ban leit pynkhuid bha namarba ka thong ba katei ka kynhun Adventurers ka la buh hakhmat ka dei ban pynlong ia ka jylla Meghalaya kaba khuid bad kaba jyrngam.