Leit pyndem u ba tynrah kali ha ki pulit

Shillong:U briew u ba la phet krad hadien ba u la tynrah ia ka Scooty ha Pantaloon hajan Fire Brigade ba la pynlong ia u samla ba 27 snem ba un khlad hashen, hynrei  mynta ka sngi u la leit pyndem noh ialade ha kti ki pulit.

Katkum ka khubor na u SP Traffic u Bikram D.Marak une u briew u don kumba 30 snem eiei u la leit pyndem ha ki pulit ha ka por kumba 1 baje eiei bad la kem bad set noh ia u ban tohkit.

Kum ban pynkynmaw,dei haka 30 tarik Jymmang ha ka por kumba 9.50 baje mynmiet u Lari Kupar Jana ba 27 snem ka rta ba sah ha Lower Nongrim Hill u la iap ha ka jing iatakhuh kali ha Pantaloons ha Fire Brigade ba u nongtynrah u la phet krad noh.