Ki jingjia, kiba pyn kyndit ha kine ki sngi, naba ki shipai Afghan, ki la leit pyndem bad ia long paralok bad ki ehrang Taliban, ha ka Ri Afghanistan.
Katei ka Ri, ka la poi pynban sha ka thma poh iing, kaba shyrkhei bha, hadien ba ki shipai jong ka Ri America lem bad shibun kiwei pat ki Ri, ki la nang mih noh na katei ka Ri, ha kaba ki la iehnoh ruh ia ki tiar siat kiba bha tam bad kiba remdor.
La iohi ha ki dur, ba ki shipai bad ki ehrang Taliban, ba ki ia khublei bad ki ia kdup ieid bad la iohsngew ia uwei u shipai Afghan, uba ong “Map noh iangi, namar ba ngi dei kiba la leh bakla” bad la iohsngew ia ka jubab, kaba mih na kitei ki ehrang, ha kaba ki ong “Wat khuslai ia kata, bad wat tieng ruh”.
Mynta ki Taliban, ki pyni ia ki tiar siat, kiba dang thymmai, ba ki ioh, na kito ki tiar, ba la iehnoh shadien da ki shipai jong ka America bad la iathuh ba ki la ioh kurup ia 900 tylli ki suloi, 70 tylli ki sniper rifle, 30 tylli ki Humvees, 20 tylli ki army pickup bad 15 ki trok shipai bad da ki phew hajar tylli ki kuli, na ka ktem ki shipai America ha Sultan Khil, kab aha jylla Wardak.
Hynrei uwei na ki heh jong ki Taliban, ula ong “Ngim da donkam than ia kine ki tiar, ngi shaniah beit ialade ha u Allah”.
Ka ktem ki shipai US ha Bagram, ha kaba ki don shilak ngut ki shipai ka America, mynta ka la thylli lut plain, hadien 20 snem kynthih.
Phi don ban ong eiei?