Jharkhand: Kumba 181 ngut ki dkhot ka jaitbynriew riewlum kaba ki longshwa manshwa kidei kiba ngeit ha ka niam Khristan da kaba bun bun snem bha ki la leit kylla biangy sha ka niam Tynrai ne ka niam Sarna ha la ki jong ki jong ki shnong hapoh religion Garhwa district hapoh jylla Jharkhand, ong ka khubor ba la pynmih hapoh ka Navbharat Times.
Na ka liang ka Dharma Jagran bad ka Tribal Suraksha Manch ki la pynlong ïa ka jingïalang kaba ki la khot da ka Saraedih Village Tribal Conference halor ka jingwan phai ïing jong ki riewlum Sarna.
Ha ka prokram, baroh ki Khristan kiba kwah ban kylla biang sha ka jingngeit kaba rim ki la shah pdiang sngewbha katkum ki riti dustur ki mynbarim da kaba sait ïa ki kjat.
Kumba 104 ngut ki dkhot jong ki 18 tylli ki longïing napoh ka shnong Vishrampur Goraiyabkhar, kumba 42 ngut ki dkhot jong ki 7 tylli ki longïing napoh ka shnong Khunti Tola Karachali bad kumba 35 ngut ki dkhot jong ki 8 tylli ki longïing napoh ka shnong Mahangai ki la iehnoh ïa ka niam Khristan bad ki la leit phai biang sha la ka niam Tynrai ne ka niam Sarna.
Ïa ka jingpynkylla niam ne jingwan phai ïing (‘ghar wapsi’) ka la sdang da ka jingduwai kaba ki la aiti sha ka mariang.
Ha ka prokram ki longkmie ki la rwai ki jingrwai tynrai ban pdiang sngewbha ïa ki halor katei ka jingwan phai biang shapoh ka jingngeit tynrai.
Kitei kiba wanphai sha ka jingngeit tynrai ne ka niam Sarna ki la shah pdiang sngewbha da kaba shah sait ki kjat bad ki kynthei kiba la shah kynnoh ba ki shah pynbeij ban rung sha ka jingngeit Khristan ki la shah tah sindoor.
Kitei ki riewlum kiba la leit phai biang shapoh ka jingngeit tynrai ne ka niam Sarna ki lah ong ba ki longshwa manshwa jong ki ki lah shah pynkylla Khristan na ka daw jong ki jingshah pynbeij ba la tyrwa da ki riewniam Khristan. Hynrei ki lah bynrap ruh ba hadien pat ki la sngewthuh ba ka jingkylla niam Ka dei kaba bakla. Kane ka jingsngewnguh, kila kam, ka la wanrah biang hapoh ka prokram jong ka jingngeit kaba rim.
Kiba don hapoh ka prokram ki long Vice President jong ka All India Vanvasi Kalyan Ashram Satyendra, State Convenor jong ka Tribal Safety Forum Sandeep Uranv, Deputy state convenor Devanandan, President jong ka Sarna Committee Ranchi Megha Uranv, u heh ka Dharm Jagran Shivamurthy napdeng kiwei pat ki paidbah.
Katkum ka jingkren jong Megha Uranv, ki nongïalap Khristan ki pyndonkam ïa ka jingduk jong ki paidbah hapoh ka thaiñ ban pynbeij ïa ki ban pynkylla niam Khristan.
Ka lah ong ba ki riewlum ki lah wanphai biang hadien ba ki lah sngewthuh ba ki lah shah pynbeij ha ki nongïalap ka niam Khristan.
Ka long ka nuksa babha tam ia ngi ki Khasi ruh,ban wanphai biang shala ka tynrai,bad ngi sngewnguh shibun eh ia kiba bat ba ksoh iala ka tynrai ba lyngba jong ki ,ngi dang don ka lad ban wanphai. Long Live! Indigenous!
KHUBLEI SHIBUN