Leit on tep ki hajar ngut, ia U Ma Suiam

Shillong,5 Nailur:
Ia u Ma Qualy Suiam u CEM barim ka JHADC uba la khlad noh hynnin ka sngi, la tep don bu rom mynta ka sngi ha ka shnong jong u hi ha Moo tyrshiah West jaintia Hills District. Ia ka met iap jong u la kit mynta ka sngi, mynstep ha ka por 5 baje na ka ing jong u kaba don ha Mookyrdup Jowai, sha ka shnong trai jong u ka Mootyrshiah.
Ha katei ka sngi tep ia u Ma Suiam da ki hajar ngut ki paidbah kiba wan sngewlem ki la leit ban on tep ia ka met jong u ha u lum jingtep ka Balang Presbyterian Mootyrshiah.
La leh burom khadduh ia ka met jong u da ki nongpyniaid ka Balang Presbyterian Mootyrshiah ha ka jing iadon lang ki Para MDC ki jong u bad ki heh Congress ki ba wan na Shillong,la ioh ruh ia ka khubor sngewlem na u ma M.B Rymbai CEM JHADC , ma Obil Kyndait Chairman JHADC na ka balang shnong jong u , na ki committe bapher bapher jong ka Congress ,MPCC ,DCC,na ka shnong Mootyrshiah A&B bad naki skul ba u ju ia don bynta. La pule ruh ia ki shithi sngewlem ba la ioh pdiang na ki ba ieit ba thoin jong u ki shithi kiba kynthup na u ma Vincen Pala MP , Dr.D.D Lapang President MPCC bad na kiwei kiwei.