Leit kynduh sorkar ki Phadar ki Pastor, na ki lehnoh pyndem wait

Shillong,21 Naitung:
Ki Phadar, ki Pastor bad ki dkhot jong ka Peace Committee Garo Hills, Meghalaya (PCGHM) ki la leit ia kynduh ia ki myntri ka sorkar jylla naduh ka myntri kam pohiing ka kong Roshan Warjri,ka myntri ka tnad Social Welfare ka Deborah Marak bad u Parliamentary Secretary ka tnad Industry u Limison S Sangma ban ia kren na ka bynta ka jingmyntoi ba ka sorkar ka dei ban ai sha ki lehnoh pyndem wait.
Ia katei ka jing iakren la ialam da u Rev Fr Januarius Sangma, Rev Frithing D Sangma, Roger Benny A. Sangma, Nikman Ch Marak, Rockey Fiellier M Sangma bad u Rakseng R Marak. Ha katei ka jingiakren ki la kyntu ia ka sorkar ba kan thaw ia ki lad ki lynti kumno ban ia syllok bad kitei ki lehnoh pyndem bad kumno ban ai ia ki lad ka lynti ba kin long briew man briew.