Shillong: Ka Khasi Students’ Union (K.S.U) Upper Shillong Circle, hadien ba ka lah ioh jingtip ba ki don kumba 30 ngut eiei ki bar jylla kiba wan ban
trei bylla hapoh jong ka Indian Air Force, kaba don ha 7mer Upper
Shillong.
Ka Seng, ha ka step jong ka 30 tarik Risaw 2019, hapoh ka
jingialam jong u President ka Upper Shillong Circle, U Samla Shngain
Sohkhlet, ka la leit mar mar sha katei ka jaka ban kylli ia ki kot ki
sla jong kitei ki bar jylla.Hynrei, la shem ba ym don uwei ruh uba don
ia ki kot ki sla kiba biang napdeng kitei ki nongtrei bar jylla.
Hadien kumba katto katne por, ki shipai ki la wan ban tuklar bad
pyni bor ban pynrung beit beit ia kitei ki nongbylla shapoh. Hynrei, na
ka liang ka Seng ka la ieng pyneh bad pyntip ruh sha ki bor jong ka
ain.
Kumta, na ka liang ka tnad pulit ka la shim khia ban poi ha katei ka
jaka bad ban sei ruh ia kitei ki briew shabar bad pynkhreh ban pynphai
biang ia ki sha ka jaka kaba ki wan, ong ka khubor na U Bah Daniel Kharbani, Assistant General Secretary, KSU Upper Shillong Circle.
Phi don ban ong eiei?