Leit khang tala, ki 3 seng ia ka Ri Kanaan

Nongpoh: Ki nongialam seng ha Ri Bhoi, kiba kynthup ia ki nongialam ka HANM, CoRP bad MPSO, hynne ka sngi ki la leit ban khang khyrdep noh ia ka Ri Kanaan Hotel, kaba la longtrai da u Dr. C. Vargese kaba don ha shnong Umeit, Ri Bhoi.

Katei ka jingleit khang da ki nongialam jong kitei ki seng ia katei ka Ri Kanaan Hotel, ka dei namar ba u Dr C. Vargese, uba dei u trai bad uba dei ruh u Principal jong ka Christ International School kaba don ha Nongsder, um shym la phla ne kren shai, ha ka por ba kitei ki nongialam seng, ki la leit ban kynduh ia u ban wad ia ka jingshisha halor ka jingshah kynnoh jong u ba u la leh kynshlein ia kawei ka Longkmie Khasi, kaba la trei kum ka Nonghikai Officiating hapoh katei ka skul kaba u long kum u Principal.