Shillong: Ka KSU ka laleit ban khang ia ka Ujjivan Micro-Finance Bank kaba don ha Standjeep, Shillong namar ba ka dang pynlong trei ka sngi Good Friday. Ka KSU ka ong ba ka la ioh jingtip ba katei ka Bank ka la pynlong trei sop sop ha ka sngi Good Friday da kaba khang khyrdep ia ka dukan nabar, katba shapoh pat ka pynlong trei.
Ki dkhot ka KSU ki la leit rung hapoh katei ka jaka treikam bad ki lap ba ka dang pynlong trei bad ka la hukum ba ka dei ban khang bad ban phah leit noh ia ki nongtrei sha ing. Ka la maham ruh ia katei ka bank ba lada nangne shakhmat ka ia leh pyrshah kan beh krad shisyndon na kane ka bri u hynniewtrep.
