Leit jurip ka KHADC bad World Bank, ban pyntreikam ïa ka SWM

Shillong:Ka Khasi Hills Autonomous District Council (KHADC) ha ryngkat ka World Bank bad ka Meghal aya State Pollution Control Board (MSPCB), hynnin ka sngi Ba-ar, ki la hiar jurip ïa bun tylli ki jaka ha khapsor ka Nongbah Shillong, ban pyntreikam ïa ka Solid Waste Management (SWM) bad ban pynneh ïa ki tyllong umbam umdih.

Ïa kane ka jing jurip la lamkhmat da u Chief Executive Member (CEM) Bah Pynïaid Sing Syiem ha ryngkat ki Nongmihkhmat ka World Bank bad ka Meghalaya State Pollution Control Board (MSPCB).
Kane ka kyn hun ka la hiar jurip nyngkong eh ïa ka Wah Umkhen kaba don ha Them Basuk, Umpling ban pyntrei ïa ka Solid Waste Management bad ban khmih ïa ki tyllong um kiba donkam ban pynkhuid bad ban ai jingïada.

Hadien kane, kane ka kynhun kala hiar jurip ïa ka Wah Umshyrpi, ïa ka jaka hapoh ka shnong Mawlai Mawroh ban tei ïa ka Resource Recovery Centre (RRC) bad ïa ka Marten kaba don ha Mawlai.
Ki nongïalam shnong kiba la poi lang ki long na ka shnong Madanrting, Jatah bad mawshbuit bad kiwei.
Haba kren sha ki lad pathai khubor na ka liang u CEM u la ïathuh ba kane ka jingleit jurip ka long kum ka jingpynkhreh ban pyntreikam noh ïa kane ka Solid Waste Management Act, 2020 kaba la angnud ban pyndep kloi katba lah.