Shillong: Ka Confederation Of Ri Bhoi People (CORP) Jirang Circle, hapoh ka jing ia lam u president Nongpoh Circle Samla Rolan Lyngdoh, ka la leit ban jurip ia ki karkhana otdieng ha Nongrim jirang bad la lap, ba ki don da ki phew tylli ki saw Mill bym don kot don sla eiei halor ba ki dei ki bar jylla suda kiba long trai ia kitei ki saw Mill.
Haba ka seng ka kylli ka mill jong no kane la batai da u briew ba nangto na shnong hi ba ki dei jong u Anul Ali,Subash Ali,Din Ali,Himanto,Nur,Sunil, Lambu. Ka seng ka kylli na kito ki nong trei, la ki briew ka tnat Forest, ki ju wan peit ia kitei ki karkhana, la iathuh da u nongtrei dkhar, ba u don uwei uba dang shu wan lum pisa.
Ka seng, ka lyngngoh ba kumno ki Sordar ki Rangbah Shnong kim leh eiei ia ki saw Mill bym don kot don sla.
Ka seng ka pynrem jur ia u DFO Territorial Shillong, u bym don ka jing kit khlieh wat lada la dep u jor aduh u Rnga haduh ki saw Mill beain bad ka seng ka kylli “Lada um don kti ban bam pisa kumno um iohi shuh kat iaka truck kit Rnga khamtam u Forest ha khatar mer byrni jaka stock rnga hajan check gate jong u” ong ka kyrwoh khubor na u Rolan Lyngdoh president CORP(Nongpoh Circle).
Phi don ban ong eiei?