Hynnin ka sngi 23 tarik mynta u bnai katba nga bad ki briew sorkar ngi dang leit jurip (inquiry) ia baroh ki dukan ha Nongtalang da kaba ngi la bthah ba ki dukan ki dei ban tah (display) notice ia ki dor ki marbam mardih hakhmat dukan jongki katkum ka hukum bala bthah daka sorkar jylla.
Ngi la kren iaki trai dukan dakaba jai jai bad iaki dukan bangim ioh lad ban iakren ngi la leit iakren sha ki Rangbah shnong Nongtalang bad Nongtalang Mission baki dei ban bthah iaki dukan ban bud ryntih iaki hukum ka sorkar. Ngi la kyntu ruh iaki trai dukan ba nangne shakhmat lada kim leh katkum ka hukum bala bthah da ka sorkar jylla ki bor jongka aiñ kin shim action iaki hynrei kaei kaba pynsngewsih kthang ianga namar ynda ngi la leit phai bad tang hadien katto katne kynta don ki riewpaidbah kiba iathuh ianga ba don ki dukan kiba kynnoh ianga laiphew jait lai phew rukom dakaba ong ruh banga dei u men lorni.Haba nga kylli na ki paidpah mano kita ki dukan ba kynnoh ianga kumta, hynrei ki paidbah bapli kim nud ban iathuh iaka kyrteng kita ki dukan.
Kumta ha kane ka por nga kwah ban pynshai shakito ki dukan ba kim dei ban sngewthuh bakla bad ban shu tharai sniew bad kynnoh men lorni ianga hynrei kaei kaba ngi la leh kadei na bynta ka miat ka bha u paidpah bad ka imlang sahlang baroh kawei khnang ba u paidpah haba wan kum kane ka nem sniew um nym kulmar jingmut khnang ban lah ban ialeh pyrshah iakane ka khlam jingpang Covid-19 dakaba ia snohkti lang kawei ban ai ki jingtip kaba shai sha u paidpah naduh ki dor ki marbam mardih bad kiwei kiwei.
Ngi sngewthuh iaki jingeh ki dukan shnong hynrei kaei kaba u paidpah u kwah ban shai katkum ka hukum ka sorkar jylla, ba ki dukan ki dei ban tah (display) iaki dor ki marbam mardih bad kiwei ki tiar ki tar hakhmat dukan jongki lada rem dor ne tad dor ruh khnang ba u paidpah un nym kulmar jingmut.
Riki Mukhim,
Covid-19 Volunteer.
Phi don ban ong eiei?