Shillong:Mynhynnin ka sngi u Working President ka seng Hynñiewtrep Natio nal Youth Movement (HNYM) u Bah Donlang Nongbri u la leit ban jubab hakhmat jong ki pulit ka Lum diengjri Police Station kiba la khot hajir ïa u hapoh ka kyndon 160/175 jong ka CrPC.
Kane ka jingshah khot hajir ka dei halor ka jingkren paidbah jong u ha ka jingïalang kaba la long ha Motphran ha u Naiwieng ha u snem 2022 halor ka jingjia ha Mukroh ha kaba san ngut ki briew ki la khlad, na ka jingshah thombor ha ki Pulit Assam ha ka 5/11/2022.
U Bah Donlang Nongbri haba kren ha ki lad pathai khubor hadien ba la dep ban jubab hakhmat ki pulit u la ong ba, ka jingkren kaba la kren ha ka jingïalang paidbah ha Motphran ka dei tang ka jingpynsngew kam dei ba kila leh kumta, kane ka jingïakren ka mih ka long ba kim lah ban ïohi ba ki briew na ka shnong Mukroh kin shu duh ei ïa la ka jingim ha kti ki pulit.
Kum u nongïalam ka seng u la ong ba kam don kum katta ka jingthmu ka dei tang kaba shukren, ïa kane la kren shai hakhmat jong ki pulit kiba khot hajir mynta ka sngi, kane ka jingwan ruh ka long ba ki ïatrei lang da kaba kohnguh ïa ka jingkhot hajir.
Ha kane ka sngi la synran lang da u President ka seng u Bah Louis Dohtdong ha kaba u la ong ba ha ka jingshisha ki pulit kim ban pynbun kam ha kaba khot hajir ïa ki seng bhalang hynrei ki dei ban ïada ïa ki briew ha khappud, ha kane ka sngi kiwei ki dkhot jong ka seng halor kane ka jingshah khot hajir jong u nongïalam ka seng.
Phi don ban ong eiei?