Leit jngoh U Pastor Cunville ia ka Open Library ka Khadsawphra College

Shillong: Ha shwa ban sdang ka jingiaseng Samla Synod kaba la pynlong ha madan jong ka Khadsaw phra College ha ka sngi u Blei ba ladep, U Pastor R.R. Cunville u la leit ban jngoh ia ka Open Library jong ka College kaba la buh jingkynmaw ia ki jingjia ha ka Centenery Revival jong ka snem 2006 bad 2007 kaba la pynkmen ia ka mynsiem jong u, ba kane ka College ka la buh jingkyn maw ia ki ei kiei ba la jia ha kito ki snem khnang ban pynsuk ia ki long dien ki ba kwah ban tip shaphang kane ka Revival ka ba khraw ka ba la jia ha Mairang.

U Pastor, u la buh ruh ka jing duwai ba kane ka College kan nanglah ban ai ka jingshakri ia ki khun samla kiba pule ha kane ka College.
Kane ka College ka la lum thup ia ki ba bun bah ki kot pule ba ai mynsiem ia ki samla bad ki wei ki wei ki jingtip ki ba iadei bad ka pule ka dangleh. Ka Prof. Streamlet Dkhar, Dean School of Humanities NEHU bad Dr. CAR Diengdoh Director Incharge CDC NEHU ruh ki la wan ban sakhi dalade ia kane ka Open Library bad ai ka jingiaroh shibun eh. Kane ka Library ka la khring ia shibun bah ki samla ba wan ban peit kai iaka hadien ba lawai ka jingiaseng ban leit phai da ka jingphuhmut phuhmat.