Shillong: Mynta ka sngi u Myntri Rangbah ka jylla u Conrad K Sangma ha ryngkat u myntri kam poh iing u Bah Lahkmen Rymbui,u myntri ka koit ka khiah u Bah AL Hek bad u myntri ba dei peit ia ka GAD u bah Comingone Ymbon, ki la leit ban leit jngoh ia kiba mynsaw ha ki ne ki sngi ba la mih ki jingklumar kiba shah sumar hapoh Civil Hospital Shillong.
Haba ia kren bad ki lad pathai khubor, hadien kane ka jingleit jngoh ia kiba mynsaw baroh, na ka liang jong u Myntri Rangbah u la iathuh bana ka liang ka sorkar kan pynlut ia ka bai sumar jong ki ne kiba shitom baroh haduh ba kin da jem.Ka jingleit jngoh ia ki ka long ba ka sorkar ka sngewkhia halor kine jingjia.
Ha ka juh ka por u Myntri Rangbah u la kyntu ia baroh ki paidbah nongshong shnong ban pynneh pynsah ia ka shongsuk shongsain ha ka jylla bad khamtam eh ha kane ka nongbah Shillong.
U Myntri Rangbah u la iathuh ba na ka liang jong ka sorkar ka la shim ia ki lad ki lynti baroh ban wanrah biang ia ka shong suk shong sain ha ka ne ka jylla.
U la iathuh ruh ba na ka liang jong ki pulit kila register ejahar ia baroh ki jingjia bad ka ain kan sa leh ia kaba don kam, na ka liang jong ki pulit ruh kila long kiba la peitngor bha, u myntri rangbah u la ong ba ka ain kan sa leh ia kaba don kam na ka bynta baroh kito ki briew kiba don kti ha kine ki kam runar.
Na ka liang jong ka sorkar kala khot ia ka jingialang ban ia kren kumno ban wanrah ia ka jingshong suk bad ka sorkar ka la shim ia ki lad ki lynti baroh ban peit ba ka shong suk shong sain kan wan biang.
Haba ia dei bad kine ki jingjia baroh la pyntip sha u myntri kam poh iing ka sorkar pdeng bad kum juh sha u myntri rangbah duh jong ka Ri India.
Ba bun ki ba mynsaw dei ki poi ei imat sa leit peit.