Leit jngoh ki riew said-aiñ, ia kiba pang biej ha MIMHANS

Shillong,10 Risaw:
Ka District Legal Services Authority East Khasi Hills mynta ka sngi ki la leit jngoh ia ka jaka sumar ia kiba pang biej ne kiba pang shiteng khlieh ha MIMHANS. Katei ka jingleit jngoh ki nong-iasaid aiñ ka dei shi bynta na ka jingrakhe ia ka Mental Health Day. Ia katei ka jingialang la pyniaid da i DHS (MI) Dr.R.Wankhar, hadien la pynbud pat da ka jingkren na u B.Khriam Member Secretary DLSA, bah V.G Kynta Senior Advocate, Dr.Sohkhlet, Dr. Syngkon-Addl. Superintendent MIMHANS, bah A.Kharumnuid Chairman DLSA.
Kham hadien ka la don ka jingleit ia syllok hapdeng ki nongpang bad kitei ki nongsaid aiñ kiba la sam jingbam sha ki. Ka thong ba kate ka kynhun ki nongsaid aiñ ki la leit ban pynlong ia katei ka prokram ka long ban ai jingshai sha ka pyrthei ba kam dei ban tieng ia kiba biej ne kiba shiteng khlieh bad dei ban weng noh ia kane ka jingmut jingpyrkhat kaba ju ong ba ym bit ban tur shajan jong ki. Ha katei ka prokram la donlang ruh ki kmie ki kpa jong ki nongpang.