Nongpoh: Ki nongialam bad ki dkhot ka KSU Umsning Circle bad kumjuh ruh na ka Sohlait Thymmai Unit, kaba hap ha Nongpoh Circle, hynnin ka sngi ki la leit ban iarap ia ki katto katne ki longiing, kiba la don kiba ha iing jong ki kiba la shah set slung, namar ba ki la ngat ia ka jingpang COVID-19.
Ki KSU na Umsning Circle, ki la leit ban iarap ia ar-tylli ki longiing kiba la shah ktah ha ka khlam COVID-19 kiba don ha ka shnong Lumroman Umsning, katba ki dkhot na Sohlait Thymmai Unit, ki la leit ban iarap ia ki briew kiba don ha katei hi ka shnong, kata na ka bynta ban iatynrong lem ia ka jingeh kaba la mad da kitei ki longiing.
Kitei ki nongialam bad dkhot ka KSU na kitei ki Circle bad Unit, ki la kyntu ia kiba ki longiing ba ki dei ban pdiang da kaba kylluid mynsiem, namar ka seng ruh ka la iarap ia ki da kitei ki marbam mardih da kaba kylluid mynsiem, kata da ka jingthmu ban iarap ia ki ha kaba kum kane ka por ba ki kynduh jingeh.
Phi don ban ong eiei?