Leit ialap elekshon ki heh UDP sha Garo

Shillong, 2 Risaw:
Ki nongialam ka United Democratic Party ( UDP) ki la lei tar sngi sha ri Lum Garo kata ha ka 29 bad 30 tarik u nailur ban leit ialap elekshon na ka bynta ki kyrtong MDC jong ka ki ban ia aireng ha ka elekshon MDC ka ban long ha ka 12 tarik u risaw, 2015. Ki nongialam ka UDP kiba la leit ban ialap elekshon ha ri Lum Garo ki kynthup ia u bah Titos Chyne, MLA ka Sohra, u Dr.Jemino Mawthoh MLA ka Nongthymmai bad u bah Allan F Dkhar General Secretary ha kaba ki la ia kynduh ruh ia ki nongialam bapher bapher jong katei ka seng bad kumjuh ruh bad ki kyrtong na East, North bad West Garo Hills ki ban ia khun ha katei ka elekshon.
Ha katei ka jingleit ialap , ki nongialam ka UDP ki la kren halor ka jingdonkam ban pynkhlain ia ka District Council kaba la shah pyndonkam bakla ha ki Party kiba heh ha kaba la iohi ia kane lyngba ki dak ki shin ka jingtuklar jong ki ia ka riti ka dustur kaba dei ki sobjek ka District Council.
Ki la pynpaw ba donkam ban pynneh pynsah ia ka naba ka don ka jingiada kyrpang ia ki jaitbynriew rit paid kumba la pynkupbor da ka riti synshar ka ri.
Ki la pynkynmaw ruh ia ka ripod jong ka Veerapa Moily Committee  kaba la mynjur ban pynduh pyndam ia ka District Council.
Ki la kyrpad ia u paidbah ha ki jingialang paidbah ba kin bud ia katei ka Party bad ban ka jingjop donburom ia ka, ki la kren sngewkhia ruh halor ka shongsuk shongsaiñ ka ri lum Garo kumba ka long ha kine ki sngi.