Leit ialam U Sunny Deol, ia U Dharmendra sha US, ban leit phah sumar

U Sunny Deol, u aktor ba pawnam jong ka India bad uba dei ruh U MP jong ka Seng BJP, ha ka iing dorbar Lok Sabbha, ula leit sha America, ha kaba ula ialam ia u kpa jongu, U Dharmendra, ban leit phah sumar ia u sha katei ka Ri.

U Dharmendra bad u Sunny Deol, kin sah ha US, kumba 20 sngi antad, na ka bynta ban phah sumar bniah, ia U Dharmendra, uba la don mynta 87 sem ka rta.

Ha kawei pat ka khubor, la iathuh ba ka Gadar 2, ka phlim jong U Sunny Deol, ka la ioh kamai haduh T.500klur, haduh mynta bad katei ka dei ka phlim, kaba ring dur, halor ka jingiakhlad ka India bad ka Pakistan, ha u snem 1947 bad kaba pyni, shaphang U Tara Singh, uba la rung sha Pakistan, ban leit wad ia u khun jongu, uba la rung beain sha katei ka Ri bad hangtei, ula shah kem noh.