Leit iakynduh ka AMPSTA ia U Director ka School Education and Literacy

Shillong, 26 Jymmang:
Khadsan ngut, ki dkhot nongkitkam jong ka All Meghalaya Primary School Teacher’s Associa tion(AMPSTA) kiba na Garo Hills;Jaintia Hills bad Khasi Hills hapoh ka jingialam U Bah FC Shul lai, General Secretary, ki la leit ban ia kynduh ia U Director School Education and Literacy ha ka 21tarik Jymmang, ha ha Chamber jong U Director.Ka jingleit iakynduh ka long ban ioh jingshai halor ki jingdawa ba sahteng.
Halor ka head tea cher allowance, la iakren ba ka dei ka jingdawa ka AMPSTA ia kaba la ia soi kular bad u myntri ka pule puthi, ha ka 30tarik Nailur 2013.Halor kane ka bynta U Director u la kubur ba ka Sorkar ka la mynjur bad ruh la pynmih ia ka hukum sha baroh 15 tylli ki SDSEO ba kin pyntreikam ai kane ka hukum ba la wanpoi na u Lat, ha ka 9tarik Risaw 2013.Kane ka hukum ban ai Head Teacher Allowance ia baroh ki skul Govt/Non Govt L.P.School bad kan long T.300/- shibnai kan treikam naduh ba mih ka hukum na ka office U Lat.
Halor ka CPF bad DCRG ia ki nonghikai Non Govt .U Director u la pynshai ba baroh ki kam ba iadei bad kane, naduh ka Cabinet Memorandum haduh ka tnat jong ka pla pisa, ki la dep mynjur mynta ka sah ha ka Personnel Department ia kaba la khmih lynti ban ioh noh kloi tang mar ia dep ka dorbar mang pisa jong ka Jylla. Halor kane ka AMPSTA ka la ai por ba haduh ka taiew ba ar U bnai Naitung 2014.
Halor ki Arrear DA ba dang sah, U Director u la pynshai ba kat kiba ki SDSEO ki la ai ka jingpynmang ia kito kiba la ai la dep pyllait kum ka Tura,ka Jowai,ka Baghmara,Amlarem,Nongstoin la pyllait lut,hynrei na ka bynta kito ki SDSEO ki bym pat phah ia ki jingdonkam pisa, na ka bynta kine ki Arrear DA ym pat lah ban pyllait.U Director u kyntu ia ka Association ban ia kynduh ia kine ki SDESEO ba kin kham kloi ia kine ki jingdonkam pisa ban siew ia kine ki Arrear DA. Halor ki 246ngut ki nonghikai, kiba la shah beh kam, namar ba ki dei kiba la shu thung, da kaba pyndam sia lieh, la iathuh ba ym shym la ia kren, namar katei ka kam, ka don mynta hapoh ka jingbishar jong ka kashari.
Halor ka jingthung kam ia 441 ngut ki nonghikai na Garo bad 87 ngut na Jaintia kiba la ai jingmynjur da U Administrator , U Director u pynshai ba kane ka kam ka dang iaid bad kan kham shim por namar hap ban bishar bniah ia ki kot ki sla jong kine ki nonghikai.
Halor ka rukom thung kam ha ki skul Primary Govt/Non Govt, ka seng ka dawa na U Director ba ka jingthung kam ka dei ban long kajuh ha salonsar ha baroh ki office jong ki SDESEO.Ka dei ban long ryntih khnang ba kan ym mih ki jingeh ban nujor ba uwei U SDSEO u leh da kumwei bad uwei pat da kumwei.