Leit ia kynduh ka KSU Nangbah Unit ia U District Health & Medical Officer

Jowai:Ka khasi Students Union Nangbah Unit myn ha ka 23tarik mynta u bnai, hapoh ka jingialam u samla Morningstar Pasi President jong ka Unit ha ryngkat ka jingiadon lang u samla Ohibait Dkhar President Rangbah na ka KSU jaintia Hills District Body, da ka mynsiem kaba sngewkhia halor ka jingpur sted jong u khniang jingpang ba ki khot COVID 19.

Ha katei ka jingleit la ioh lad ban leit buh da ka jingthoh ha khmat jong u District Medical & Health Officer (DMHO) West Jaintia Hills District Jowai halor ka nongrim ban kyrpad na katei ka Office kaba dei peit ia ka koit ka khiah ba kan sngewbha ban leh ia ka Random Test hapoh ka shnong Nangbah bad ruh ban iarap pynioh ia kato katne tylli ki Thermal Scanner lyngba ka PHC kaba don ha katei ka shnong kum shi bynta ban kham pynsuk ban check ia ka iaid ka ieng jong ki para shnong, da ki staff jong ka PHC bad kumjuh ruh kan iarap wat ia ki COVID 19 Volunteers kiba don ha ka shnong ban check ia ki para nongshong shnong da ka jingdon ia kiba kum kitei ki tiar ban test ia u paitbah.