New Delhi: Ka Sonia Gandhi, President jong ka seng Congress, ka la mih hynnin ka sngi ban leit shah sumar ialade sha America. La synran ia ka Sonia, da U Rahul Gandhi, ong ka khubor na u nongkren jong ka seng Congress, u Randeep Singh Surjewala.
Ka Sonia Gandhi, kan nym ioh satia ban shim bynta ha kane ka dorbar synrai, kaba khadphra sngi, hynrei la iathuh ba U Rahul Gandhi, un sa wan phai ha ki khyndiat sngi ban sa wan bad kan sa leit ka Priyanka Gandhi, ban ia don ryngkat bad ka kmie jongka.
Ka Sonia Gandhi, ka la dei ban leit sha America, ha ki bnai ba ladep, ban phah sumar ialade; hynrei, ka la sahkut noh, na ka daw jong kane ka khlam corona virus.
Phi don ban ong eiei?