Leit ai jingiarap ka FKJGP – Jowai Town Circle ia ka Children Home

Shillong:Ka Federation of Khasi Jaintia and Garo People’s – Jowai Town Circle, hapoh ka jingialam jong u President, bah Dinovert Challam ryngkat bad ki dkhot ki la leit jngoh ia ka jaka ri khunswet kaba ngi tip kum ka Children Home kaba don ha Khihmusniang ha Jowai.

Ha kane ka jingleit jngoh na ka liang ka seng, ka la ioh ban synniang da ka song pisa kum ka jingiarap ia kane ka jaka ri khunswet bad la pynlong ruh ia ka jingiasyllok bad ki nongpyniaid na ka bynta ka jingdonkam shuh shuh jong kane ka jaka na ka bynta ka jingmyntoi ki khynnah kiba sah ha kane ka jaka.

Ka seng ka kitbok kitrwiang ia kane ka jaka ri khunswet bad kan sa thaw lad thaw lynti shuh shuh ban nang kham lah ban iarap man la ka por ia kane ka jaka namar ba kadei ka kam babha ban sumar sukher ia ki khynnah kiba lah shah ieh khunswet ha ka jingim jong ki.