|
U Bah Rangkynsai Kharbuki ha ka 01 tarik Kyllalyngkot, 2019 ula rakhe snem thymmai bad ki khynnah khunswet ki ba duna dkhot met ha ka shnong Mawshut ryngkat ki nongshong shnong baroh ki ba la iamih lang naduh ki longkmie longkpa ki khun samla bad ki hep barit baroh.
 Ha kane ka sngi ki longkmie ki longkpa bad ki khun samla ki la pynpaw ka jingkmen bad jingsngewnguh ia une u rangbah uba la kynmaw kyrpang iakum kine ki khynnah khamtam hakane ka sngi bun ki ba rakhe lehkmen sngewbha ryngkat kiba aing hasem ki lok ki jor bad ka bam sngewbha hynrei une u rangbah pat u lehkmen bad kine ki khynnah kiba ym pat ju don mynno mynno ha shnong jongki bad ha ki thain marjan ruh. Kila kular ruh ban ai ka jingkyrshan pura bad ban trei shitom ia une u rangbah kila pynshongshit ruh da ki jingrwai ki jingshad bad kumjuh ka jingiabam khana snem thymmai.u bah Rangkynsai haba ai jingkren ula pynpaw ka jingsngewnguh ia u Blei ba u ai ia u ka mynsiem ba u lah ban ia donlang kumne khamtam bad kine ki khunswet ki khynnah anna dkhotmet bad u la pynpaw ka jingsngewnguh iaka ne ka shnong ba ka ai jingkyrshan kmne ia u.u la ai ruh ka jingkyrkhu kyrdoh iaki nongshong shnong bakin nang biang ha baroh ki bynta ha une u snem thymmai baroh shisnem.La ai sngewbha ia kine ki khynnah da ki jain kupsyaid ki ba don 16 ngut.
|