Leh puja ka Smriti, haba buh maw nongrim ha Mawdiangdiang

Shillong, 29 Lber:
Ha ka jingbuh maw nongrim, ia ka Central Hindi Institute of Hindi Campus, ha Mawdiang diang, ka Smriti Irani, ka la pynlong ia ka jingleh puja kaba lyngkot ha katei ka jaka.
Uwei na ki heh sorkar, uba don lang ha katei ka jingplie, u bym kwah pat ban pynpaw kyrteng ialade, ula ong “Ngi shu ia peit ia katei ka jingleh niam jongka”. Haba la kylli biang da u nongthoh, la u sngewthuh ne em, ia katei ka jinglehniam, ula ong “Kumno ngan sngewthuh, nga nga dei U Khristan te bad ngam sngewthuh ruh ia ka jingkren Hindu”. “Ka shu ong, ai jaka shong ia kine” ula ong shuh shuh.
Haba u nongthoh, ula kylli biang, la u sngew kumno, halor katei ka jingleh puja, ha ka jaka buh maw nongrim, ia ka ophis sorkar, utei u rangbah, ula ong “Ka ju long rukom hi em, ban ia duwai phirat, haba don ka jingplie ia ki jingtei thymmai?”.
Hynrei utei u rangbah, ula ong “Ka dei pat ka briew, kaba bha bad nga sngew burom bha ia ka” ula kren pynkut.
Katei ka jingleh Puja jong ka Irani, ka dei ha ka jingdon lang jong U Ma RC Laloo myntri pule puthi ka sorkar Jylla, U Bah Paul Lyngdoh MLA bad U Vice Chancellor jong katei ka Institute.