Leh burom ka UDP, ia 3ngut ki pleiar 15snem Sub Junior

Shillong, 11 Naitung:
Ka UDP Mylliem Constituency ka la pynlong ia ka jingialang pynkupburom ia ki 3 ngut ki nongialehkai phutbol, kiba na ka thain Upper Shillong kiba la mih khmat na ka jylla Meghalaya sha ka Under 15 Sub Junior National Football Championship kaba la long ha Mumbai bad ruh kiba la wanrah ka nam bad ka burom ia ka Jylla,ka jaitbynriew bad kumjuh ia ka thain hi baroh kawei kum ka kynhun lahduh(Champion).
Ha kane ka sngi la pynlong ia ka jingialang ha kaba la ioh ka jingkren na u bah Hamlet Dohling President UDP Mylliem Constituency-’’La pynlong khnang ia kane ka jingialang pynkupburom na ka bynta kine ki samla ka long halor ka nongrim ban ithuh ia ka jingjop,ka jingtreishitom,ka sap ba kyrpang jong ki bad ruh ban nangai mynsiem ba kin nangiai trei shitom na ka por sha ka por bad ba kiwei ruh ki samla kin nangioh mynsiem lyngba kane ka nuksa kiba ki la lamkhmat”Nga kyntu ruh ia ki samla ba kin kiar na jait jingdih kiba sniew ki ban pynjot ia ka met ka phad,ka jabieng bad ruh ban pynmlien ia la ka jingim ha kiei kiei kiba bha khnang ba ka jingim jong ki kan bha kan miat.Na ka liang ka UDP ka ai khublei kyrpang ruh ia Upper Shillong Sports Association kaba ju shimkhia ban pynlong ia Under 16 Football Tournament ha kaba lyngba kane ka tournament ki la mih bun ki player kiba tbit bad iohlad ban mihkhmat na ka jylla,ka UDP ka ai khublei ruh ia ki nongialam ka KSU Upper Shillong Circle bad FKJGP Upper Shillong Circle kiba la don ryngkat.-La ioh ruh ka jingkren na I bah Kitboklang Nongphlang bad ia ka jingialang la pyniaid da I bah Stephan Lyngdoh Adviser UDP.
U Bah Hamlet Dohling u la ai sngewbha da ki Branded Adidas bad Recbok Football Boot sha u Donald Thangkhiew,Maitshaphrang Khongjee bad u Baniengskhem Nongrum.