Shillong:Ka Dorbar shnong Laban, ka seng kynthei bad seng samla, ha ka sngi ba ar ka la pynlong ia ka jingpdiang burom ia ka samla ka ba la iohrah ia ka nam Talenticaa Miss India Global 2020 ka Grace Nandy.
Ia ka Grace la pdiang sngewbha da u MLA ka South Shillong u bah Sanbor Shullai ha ryngkat ka Dorbar shnong na Redcross Laban.
La pynlong ruh ia ka jingpyndon burom ia kane ka samla ha Assam club Laban ha ka ba na ka liang u MLA kane ka thain u la ai burom T.1.5 lak bad ki jain kup ba remdor sha kane ka samla.
Ka Nandy ka la iohrah ia ka nam lahduh ha ka jingiakop Miss India Global 2020 kaba la long ha ka 23 tarik u Nohprah 2020 ha Goa.
Na ka liang u bah Sanbor Shullai ha ba ai jingkren ha kane ka sngi u la ong ba ka jingjop jong ka samla Grage Nandy, ka dei ka burom ba khraw ia ka jylla baroh kawei.
Phi don ban ong eiei?