Leh burom ka H Elias, ia ka kynhun lahduh ka Subroto Cup Mukherjee ha Delhi

Shillong: Ka H.Elias Memorial HR.Secondary School ka la pynkup burom ia ki khynnah ba wan rah burom ia ka skul bad ia ka Jylla hi baroh kawei mynta ka sngi ha phyllaw jong kane ka skul kaba don ha Nongthymmai,Nongshiliang.

Ka skul Elias Higher Secondary School, ka la ioh rah ia ka nam lahduh jong ka lympung ialehkai Diamond Jubilee Subroto Mukherjee Cup International Football Tournament 2019 ka ba la pynlong ha nongbah Delhi ha ka 16tarik u Nailur 2019.

Kane ka jingpynkup burom la pynlong hadien ba ki khynnah ia leh kai kynjat ball jong kane ka skul ki la wan phai na Delhi mynta ka sngi.
Ka Elias Higher Secondary School ka la pynliem ia ka skul BKSP Bangladesh da 1-0 ha madan Ambedkar Stadium,ha nongbah Delhi.
Ha kane ka sngi ki la ai khusnam ia u best goalkeeper u Wantei lang Malngiang u,best player u Santi Jainai Shianglong best Coach u bah Bobby L.Nongbet.
Ha kane ka sngi pynkup burom la ia don lang u myntri ka tnad ialehkai u bah Banteidor Lyngdoh, ha kaba u la pynpaw ia ka jingsngewkmen bad u la ai ka jingiaroh ia ki khynnah kane ka skul bad u la ong “Nga la sakhi lang ha kato ka sngi ha kaba nga la ia don ryngkat lang bad ki bad nga da ong ruh ia ki khynnah jong ngi ba ngi dei ban jop ia kane ka jingialeh kai mynta ka sngi bad nga da sngew kmen ba ki khynnah jong ngi ki la ialeh shitom ban iohrah ia ka nam lahduh bad wan rah ruh ia ka nam ha baroh kawei ka Ri u ka ong ruh ba ka phutbol ka long kawei ka jinglehkai ka ba baroh ki ieid ha ka jylla jong ngi bad ngi dei ban kyntiew ia kane ka jingleh kai ha ka jylla jong ngi.”