Leh burom ia ka Mother Teresa ha Nongpoh

Shillong, 7 Nailur:
Mynta ka sngi, ki Sister jong ka Missionary of Charity ki la pynlong ia ka prokram pynkup burom ia ka Mother Teresa na ka bynta ka jingioh ia ka kyrdan Riewkhuid (Saint) ha ka Shnong Leprosy Colony, Nongpoh, Ri Bhoi District
Ha kane ka jingia-lang u nongaibuit ba Rangbah ka Sorkar Me-ghalaya, u la long u Kongsan ha ryngkat ka jingiadonlang u Arch Bishop ka Balang Catholic u Rev.Dominic Jala, Ki Phadar, ki Parish Priest, U Deputy Commissioner ka ri Bhoi District, Bah Mayral Born Syiem, baroh ki Sister ka Missionary of Charity ryngkat bad kiwei kiwei de ki riew rangbah, kynthei bad Shynrang jong ka thain.
Haba kren ha ka jingialang kum u kongsan u Dr.DD Lapang, u la iathuh khyndiat shaphang ka jingim jong ka Mother Teresa ryngkat bad ki nuksa kum ka jingai mynsiem bad ka jinghikai ia kiwei pat, u la ai ka jingkyrkhu kyrdoh ia ki Sister ki ba don hapoh ka shatri jong ka Missionary of Charity bad kular ban ia treilang bad ki bad ban peit lem ia ka khia ka shon ka jong ki.