Law lyngkhuit ki ehrang Hamas bad ka bynthiew, ia ka nong Germany, kaba ki ioh rahbor na Israel

Ha ka jingleit hiar thma, ki ehrang Hamas sha Israel, ka don ka jingjia, kaba triem bha bad kata ka long, ba ki la law lyngkhuit ia kawei ka kynthei, kaba na Germany. Ym tang katta, hynrei, ki la ia bynthiew ia ka met jongka bad teh ia ka, hadien jong kawei ka truck.

Ka video, kaba la pyni, ia katei ka jingjia, ka paw, ba ki don da ki hajar ngut kiba ialum lymbung hajan jong katei ka kynthei, ha kaba la teh ia katei ka briew, ha ka kali ki ehrang Hamas bad kitei kiba iabud, ki ia hylla bad ki ia bynthiew ha ka met jongka.

Ki ehrang Hamas, ki kam, ba katei ka briew, ka dei ka shipai jong ka Israel, hynrei, ka Adi Louk, kaba dei ka nong Germany, ka kam, ba katei ka dei ka para jongka, ka Shani Louk bad la iathuh, ba ka dei ka nongdro tattoo, ong ka khubor jong ka New York Post.