Tura: Ki doktor ha kane ka kynti, ki la lah ban pyn ia khlad noh ia ka met synrap kynthei, kaba don ha kawei ka khyllung, kaba hynniew bnai ka rta bad ia katei la sumar ha Tura Civil Hospital.
La iohi ba ki don ki bynta jong ka met, kiba snoh sha ka bynta ba shaneng jong ka kpoh bad ki doktor, ki hap ban law ia katei ka bynta kaba mih tam ha ka met jong katei ka khyllung.
La leh ia katei ka jingsumar, da U Dr Lee Roger Ch Marak, uba peit ia ki khyllung bad nangta sa U Dr Stevie Jaseng Sangma, ong ka khubor ba la pynmih ha ka Shillong Times online.
La iathuh ba la wan rah ia katei ka khyllung, ha ka 11tarik Nailur 2018, kaba dei na ka jaka kaba sha kyndong bha jong ka Garo Hills.