Law jainphong ki kynthei, ha khmat ki pulit, naba shah pyniap u samla

Bhopal: Uwei u samla uba 25 snem ka rta, uba dei u tribal jong ka jaitbynriew Pardhi, ula khlad noh ha along pulit, ha Guna jong ka Madhya Presdesh.

Kiba ha iing jong U Deva Pardhi, uba iap ha katei ka along pulit, ki la khie bitar ha katei ka jingjia bad mynta ka sngi, ki la leit tur sha thanat jong ki pulit bad law ia la ki jain phong, kum ka jingsngew pyrshah bad kitei ki ia shong beit khui ha ophis jong U Collector jong katei ka District bad haba ki pulit, ki beh noh ia ki na katei ka jaka, ki la ia pyneh bad don na kitei kiba la pait noh ki khadu jongki, kiba mynsaw, na ka jingshah khynniat, ha kaba uwei u pulit ruh, u Dilip Rajouria ula mynsaw.

Kitei ki kynthei ki iathuh ba ki pulit, ki kynnoh ba utei u samla, u iap na ka jingpang klongsnam, hynrei, kitei ki kynthei kim mynjur satia bad ki kynnoh, ba ula iap, na ka jingshah shoh ha ki pulit bad ki iathuh ruh, ba wat u kni jong utei u samla, ula shah shoh ha ki pulit bad mynta, u don ha ka jingshah sumar ha hospital. La iathuh ba la kem ia utei u samla, halor ka jingkynnoh, ba u dei u nongtuh.