Tura: U Conrad Sangma, myntri rangbah ka Jylla, un thep kyrteng lashai ka sngi, kum u kandidet jong ka seng NPP, na bynta ka elekshon jong ka South Tura Constituency.
U Conrad Sangma bad ka kmie jongu, ha ka por ba u khlad u kpa jongu, U PA Sangma:File Rupang
Ka jingthep kyrteng, ka la sdang naduh mynta ka sngi, tangba ym shym la don ba thep kyrteng satia ha ka sngi nyngkong.
U Conrad Sangma, myntri rangbah ka Jylla, un thep kyrteng, ha ka jingsynran lang jong ka kmie jongka, ha ryngkat u hynmen jongu, U James Pangsang K Sangma bad kumjuh ruh ka Agatha K Sangma, kaba la iehnoh ia katei ka shuki jongka, na ka bynta ban ailad ia U Conrad, ba un ialeh elekshon na South Tura.
Haduh mynta, ym pat tip satia, ia ki ban ialeh pyrshah ia U Conrad, namar ba kiwei pat ki kandidet kim pat shai satia haduh mynta, tangba la sngewthuh ba ka seng Congress, ka don ia ka Charlotte W Momin, kaba dei ka nonghikai barim, kaba lah ban iakhun pyrshah ia U Sangma.