Lashai, yn lum lang ki nongialam Seng Trai Ri ha Polo

Shillong:U Bah Jemino Mawthoh kandidet MP jong ka seng United Democratic Party (UDP), ba la kyrshan da ka kynhun Meghalaya Democratic Alliance (MDA), un pynlong ia ka jingialang paidbah ha madan Polo, ha ka 2tarik Iaiong 2019 ha ka por 10baje mynstep, na ka bynta ban iakren ia ka elekshon MP 2019.
Haba iakren bad U bah Alan Dkhar, uba dei u nongialam jong katei ka seng, u iathuh ba ha katei ka jingialang, yn wan shim bynta da ki nongialam jong ki seng trai ri bapher, ba kynthup ia U Conrad K Sangma, nongialam jong ka seng NPP, Dr Donkupar Roy, nongialam jong ka seng UDP bad kiwei de ki nongialam kiba don lang ha ka sorkar synrop MDA, kin ia wan ban shim bynta lang.
La iathuh shuh shuh, ba kin don ruh ki paidbah kiba na ki 36 tylli ki Constituency, ki ban wan sakhi lang ha katei ka sngi.