Shillong: U Lat ka jylla u T Roy un sa leit jngoh lashai ka sngi ia ka kong Agnes Kharshiing bad ka Kong Amita Sangma kiba dang shah sumar mynta ha NEIGHRIMS hadien ba ki la shah hiar thma ha ki runar ha ka shnong Tuber Sohshrieh, ka East Jaintia Hills ha ka 8 tarik mynta u bnai.
Katkum ka khubor, u Lat un leit ban jngoh ia ka Kong Agnes ha ka por 10 baje eiei mynstep.
Lah ban kdew ba kiba bun ki riew pawkhmat ka jylla naduh ki myntri sorkar, ki nongialam sain pyrthei, ki sengbhalang bad ki nongialam shnong ki la leit ban jngoh ia ka kong Agnes hadien ba ka la mynsaw jur ha ka jingshah hiar thma ha katei ka .
Hynnin ka sngi, ka Meghalaya High Court ka la hokum ia ka sorkar ba ka dei ban pynbiang bor pahara bad ban siew bai sumar ei ia ka Kong Agnes bad ka Amita hadien ba ka lah ban don ha ka jingma na ka jingshah byrngem ha ki nongkhaii trok namar ba ka iakhun pyrshah ia ki kam beain.