Lashai yn ialam U Rahul, ia ka jingiaid paidbah ban pyrshah CAA ha Assam

U Rahul Gandhi, u nongialam ba rim jong ka seng Congress, un ialam ia ka jingiaid paidbah ban pyrshah ia ka Citizenship Amendment Act (CAA) la shai ka sngi ha Guwahati.

Na ka liang jong ka seng Congress, ka dang thawlad ban pynlong ia katei ka prokram kaba jop, na ka bynta ban pyni ba ka Jylla, ka pyrshah jur ia ka ain CAA.

Na ka liang jong U Rahul Gandhi, u kren pyrshah jur ruh ia U Narendra Modi, ha kaba ula kynnoh, ba ula thok, ula shukor ia ka Ri, ha kaba ula len ia ka jingdon ki jaka set briew ha Matia, kaba ha Assam bad u ong “U myntri rangbah duh jong ka seng RSS (Rashtriya Swayamsevak Sangh) ula thok ia u paidlang ka India”.