Shillong: Hadien ba la shah rem salit ha ka Chennaiyin FC reserves, ka Langsning FC kan pynkhreh ban iakhun lashai ka sngi ia ka Bangalore ha ka lympung second division league por 4:00 pm ha Bangaluru.
Ha ka jingiakhun ba la dep ha Shillong, kine ki ar kynhun ki la iakhaid mar 1-1. Haduh mynta, ka Bengaluru ka dei ka kynhun bym pat shah rem ha ka jingiakhun jong ka Group C.
Ka Bengaluru ka la pylliem ia ka Jamshedpur FC reserves, ka iakhaid bad ka TRAU FC shisien bad ka pylliem shisien.
Na ka bynta ka Langsning, ka jingshah rem ha ka Chennaiyin, ka la long ka jingmong kaba khraw hynrei watla katta ki nongialehkai ki la kut jingmut ban khmih lynti ia kaba bha lashai.
“Ka jingshah rem ha ka Chennaiyin ka dei ka jingmong ia ngi hynrei ngin iai pyrshang ban ai mynsiem ia ki nongialehkai. Hadien kane ka jingialehai, kin wan phai sha la iing bad ki kwah ban aiti ia kaba bha ha ka jingialehkai lashai ka sngi”, la ong u assistant coach ka Langsning u Bah DapmonTariang.