Lashai shiteng synnia, pynjari korphiw ha ka nongbah Shillong

Shillong: Ka Deputy Commissioner, jong ka East Khasi Hills District, ka la pynjari, da ka korphiw, kaba trei kam naduh ka shiteng synnia jong ka 26tarik mynta u bnai bad kan kut haduh ka shiteng synnia jong ka 29tarik mynta u bnai, ha ki bynta jong ka nongbah Shillong bad ki shnong kiba marjan jongka.

Ka korphiw, kan trei kam ha baroh ki jaka Municipal, baroh ki jaka Cantonment, baroh ki census town jong ka Mawlai Block, baroh ki census town jong ka Mawpat Block, ki jaka jong ka Mylliem na jingkieng Umshyrpi haduh sha 7mer, Upper Shillong, ka Madanrting, Mawblei, Laitkor, Nongkseh, Umlyngka, Lawsohtun bad Mawdiangdiang.