Lashai lum ka UDP, ia ki seng sain pyrthei, ban tuklar bor ding

Shillong, 6 Jymmang :
U Working President ka UDP uba long ruh u MLA ka Nongthymmai u Bah Jemino Mawthoh u la ong ba ka UDP ka ladep phah jingthoh lut sha baroh ki seng sain pyrthei ban kin iapoi ha ka jing ialang ban ia shong takrain halor ka jingpynlip bording.
U la ong ba ka jingia lang la buh ban pynlong ha ka sngi Palei ha ka por 3 baje janmiet ha Shillong Club.
U Bah Mawthoh u la ong ba ka UDP ka ladep phah ia ki jingthoh sha baroh ki seng sain pyrthei hynrei ka shong pat ha ki la kin wan ne em ban iakren namar kane kam dei ka kam politik, hynrei ka dei ka kam ba iadei bad ki jingeh jong u paidbah.
Ngin pyni sha ki paidbah ba kane kam dei ka kam politik kaba ktah ia u paidbah”, la ong u Bah Mawthoh bad bynrap, ba la phah sha ka Congress ruh kaba dei ka party kaba ialam ia ka jingsynshar ha kane ka jylla.
Ha kajuh ka por ngin dawa ba u Myntri ba dei peit halor kane ka tnad bording udei ban hiar shuki noh namar ka jingbym lah ka jong u ban peit ia kane ka kam.
“Ngi lah ba un hiar shuki noh namar ka jingbym lah jong u ban peit ia bit jingbiang jong kane ka kam”, la ong u Bah Mawthoh.